Oíche Eolais, Dioplóma sa Ghaeilge

Bronnadh na dTeastas, Club Obairbhaile AccessCampas 26 Aibreán 2012

Tugann Mic Léinn lámh chúnta leis an nGaeilge do dhaltaí meánscoile na cathrach
D'fháiltigh Aonad na Gaeilge agus Access Campus roimh an Leas-Uachtárán Acadúil & Cláraitheoir,  An tOllamh Paul McCutcheon go Seomra na Gaeilge inné agus teastais á mbronnadh aige ar mhic léinn le Gaeilge a bhí i mbun obair dheonach le tamall. Roinn naonúr mac léinn a gcuid ama go fial flaithiúil ó thús an tseimeastair chun deiseanna breise foghlama a chur ar fáil dóibh siúd a fhreastalaíonn ar Chlub Obair Bhaile AccessCampus i mBaile an Róistigh i ndeisceart na cathrach.

Thaisteal na mic léinn ar fad amach go hionad Access Campus ar bhonn rialta le cúnamh a thabhairt do na daltaí ansin lena gcuid oibre Gaeilge. Bhain siad go léir idir thaitneamh agus thairbhe as an obair. Mhol Deirdre O'Connor, bainisteoir na hOifige Rochtana san ollscoil, tiomantas na mac léinn agus an ról eiseamlárach atá acu i leith na ndaltaí.
Rinne An tOllamh Paul McCutcheon comhghairdeas leis na rannpháirtithe agus ba chúis spreagúil dó é a lua go raibh líon na mac léinn rochtana ag freastal ar an ollscoil ag méadú de réir a chéile mar gheall ar a leithéid chláir. Treisíonn an Club Obair Bhaile ról na hOllscoile sa phobal. Chuir an Leas-Uachtarán an bhéim arís ar an tábhacht a bhaineann le hobair dheonach na mac léinn agus na mball foirne agus tábhacht na scéime
Gradam an Uachtaráin d'Oibrithe Deonacha.  Thug sé suntas do líon na dtograí a eagraítear faoi choimirce an Access Campus ach go háirithe.

Chomh maith leis na teastais a bhronnadh ar an oíche, tá na mic léinn anois i dteideal cur isteach ar Ghradam an Uachtaráin d'Oibrithe Deonacha (www.ulpva.ie) más é sin a dtoil. D'fhágfadh sin go dtabharfaí aitheantas oifigiúil ón Ollscoil dóibh ar a gcuid Scríbhinní Acadúla as an obair dheonach seo.  

D'eirigh thar cionn leis an gcomhthogra seo idir Aonad na Gaeilge & AccessCampus don tarna bliain. Táthar ag súil agus gur féidir fáilte a chur roimh na mic léinn arís an bhliain seo chugainn tráth a eagrófar clár leathnaithe feabhsaithe. Is féidir breis eolais a fháil ar an gclár ach ríomhphost a sheoladh go noel.omurchadha@ul.ie.

Aonad na Gaeilge - ag ceiliúradh 10 mbliana ar an bhfód 2001-2011!

 Cúpla Ceist

Éamonn & Susan	Noel & Joe	Ita & Josephine
Fionnuala & Brown Thomas	Jim & Hashimé	Éamonn & Con
Ciara & Peadar	Olivia & Jerry Flannery/Barry Murphy	Maureen & Jim
Emmeline & Jerry	Natalie & Roland

Sraith agallamh is ea 'Cúpla Ceist' a thugann léargas nuálach ar úsáid na Gaeilge mar chuid de ghréasán sóisialta Ollscoil Luimnigh. Bain súp astu!